Almatyda jemqorlyqqa qarsy forým ótti
ALMATY. Qarashanyń 30-y. QazAqparat / Ádilet Musahaev / - Jemqorlyqqa qarsy jumysta batyldyq pen tabandylyq aıqyn kórsetilýde, zań buzýshylarǵa atqaratyn qyzmetine nemese jaǵdaıyna qaramastan qatal jaza qoldanylýda.
Bul jaıynda Almatydaǵy Almaly aýdannyń ákimi Marat Pirinbekov jemqorlyqqa qarsy forýmda málim etti, dep habarlaıdy QazAqparat.
Sondaı-aq memlekettik apparat jumysynyń sapasy jáne baqylaý - qadaǵalaý jumystary kúsheıtilgendigin jetkizdi. Aımaqtyq partııalyq fılıaldarda sybaılas jemqorlyqqa qarsy komıtetter men partııalyq baqylaý komıssııasy boıynsha qoǵamdyq keńester qurylǵan. «Osy jyly aýdan boıynsha qyrýar sharýa atqaryldy. Jyldyń basynda memlekettik organdardyń arasynda sybaılas jemqorlyqqa qarsy memorandýmdarǵa qol qoıyldy. Bul indetti tek qana birigip kúreskende jeńe alamyz», deıdi M. Pirinbekov.
Shara aıasynda birqatar uıym basshylary jemqorlyqqa qarsy kúres jáne onyń aldyn alýǵa baılanysty óz oılaryn bildirip, baıandamalar jasady.
