Almatyda jemqorlyq derekteri az JOO belgili boldy
Al eki ýnıversıtet Almaty boıynsha Sybaılas jemqorlyq pen memleket qyzmet isteri boıynsha departamenttiń oń baǵasyn alǵan.
«Sybaılas jemqorlyq derekteri az kezdesetin Narhoz ýnıversıteti men ál-Farabı atyndaǵy Qazaq ulttyq ýnıversıteti ekendigi anyqtaldy. Eki ýnıversıtette atqarylǵan sharalardy kórdim. Ekeýinde de barlyq jumystar avtomattandyrylǵan, alqalyq organdarǵa tapsyrylǵan. QazUÝ-da jataqhanadaǵy oryndardy bólýden bastap halyqaralyq oqý baǵdarlamasyna qatysýǵa deıingi protsester avtomattandyrylǵan. Emtıhandar beınebaqylaý kameralarynyń túsirýimen ótedi. Emtıhandy dáris oqyǵan adam emes, basqa oqytýshylar alady. Stýdentterdiń jaýaptarynda esimderi qupııa saqtalady», - dedi Almaty óńirlik kommýnıkatsııalar qyzmetinde departament basshysy Aıgúl Baıhanova.
Sybaılas jemqorlyqqa qarsy kúres agenttiginiń habarlaýynsha, kóbinese para berý derekteri Kaspıı ýnıversıtetinde tirkelgen.
Al qalada jemqorlyq jaılaǵan organdardyń qatarynda Іshki ister departamenti, kedenshiler, ekonomıkalyq tekserý qyzmeti bar.