Almatyda Jeltoqsan oqıǵasynyń 35 jyldyǵyna oraı dóńgelek ústel ótti
Sharaǵa QR Parlamenti Májilisi men Almaty qalasy máslıhatynyń depýtattary, qoǵam qaıratkerleri, ǵalymdar, respýblıkalyq jáne qalalyq jeltoqsan uıymdarynyń basshylary, saıası qýǵyn-súrgin qurbandaryn aqtaý jónindegi qalalyq komıssııa músheleri, jeltoqsan oqıǵalarynyń belsendileri, sondaı-aq jastar uıymdarynyń ókilderi qatysty.
Dóńgelek ústeldiń jumysyn Almaty qalasy ákiminiń orynbasary Erjan Babaqumarov ashyp, Memleket Basshysy Qasym-Jomart Toqaevtyń atynan hat oqyp berdi.
«Bizdiń halqymyz bostandyqqa jetý úshin qıyndyqtarǵa tap boldy, ata-babalarymyz armandaǵan bostandyq úshin janqııarlyqpen kúresti. Osyǵan baılanysty, ult sanasyn dúr silkindirgen jáne qoǵamdy alǵa jetelegen jeltoqsan oqıǵalarynyń erekshe mańyzy bar ekenin atap ótken jón. Qasıetti Táýelsizdik pen qaıǵyly jeltoqsan-bir-birimen tyǵyz baılanysty uǵymdar. Biz 1986 jyldyń qatal kúnderinen týra bes jyl ótken soń bostandyqqa qol jetkizdik», – delingen hatta.
Prezıdenttiń bul quttyqtaý haty Almaty mýzeıiniń «jeltoqsan» zalyndaǵy ekspozıtsııany tolyqtyrady.
Іs-shara barysynda atqarylǵan jumystardyń qorytyndylary shyǵarylyp, odan ári birlesken qyzmettiń baǵyttary belgilendi.
Erjan Babaqumarov jyl basynan beri Jeltoqsan oqıǵasynyń 35 jyldyǵyna arnalǵan keshendi is-sharalar jospary júzege asyrylyp jatqanyn atap ótti.
«Búginde Almatyda «Jeltoqsan» kóshesi bar, kóshe men Respýblıka alańynyń qıylysynda QR Tuńǵysh Prezıdenti - Elbasynyń bastamasy boıynsha azat etýdiń sımvolyna aınalǵan «Táýelsizdik tańy» monýmenti. Almaty qalasynyń kóshelerine Qaırat Rysqulbekov, Lázzat Asanova, Erbol Sypataev syndy batyrlardyń esimderi berildi. Budan basqa, Almaty qalasynyń ákimi Baqytjan Saǵyntaevtyń bastamasy boıynsha «Jeltoqsan-86» parki ashyldy, ol taıaýdaǵy jyldary qalamyzdyń eń ádemi saıabaqtarynyń birine aınalady. Parkti damytýdyń 2026 jylǵa arnalǵan jospary bekitildi. 17 jeltoqsanda Jeltoqsan oqıǵasyna qatysýshylar men qala ákimdigi «Jeltoqsan-86» saıabaǵynda bolashaq eskertkishtiń alǵashqy tasyn salady»,- dedi Erjan Babaqumarov.
Sonymen qatar, ol QR Táýelsizdik kúnine jáne Jeltoqsan oqıǵasynyń 35 jyldyǵyna oraı Almatyda Jeltoqsan oqıǵasyna qatysýshylar qalalyq kólikte tegin júrýge, profılaktıkalyq medıtsınalyq skrınıngke quqyly ekenin tilge tıek etti. Qoldaý sharalary retinde jyl saıyn aqshalaı járdemaqy tólenedi, muqtaj adamdarǵa sanatorııge joldamalar berilip jatyr.
«Biz jyl saıyn sol oqıǵalardy eske alamyz, shyndyqty aıtamyz, sol arqyly biz sol ýaqyttyń mańyzdylyǵyn halyq jadynda saqtaǵymyz keledi. 35 jyl ishinde kóp nárse jasaldy. Almaty – elimizdiń táýelsizdiginiń besigi. Dál osy jerde eń belsendi qatysýshylardan turatyn alǵashqy Jeltoqsan uıymy quryldy. Alǵashqy on jylda biz qala ákimdigimen birge Jeltoqsan oqıǵalarynyń problemalary boıynsha jumys uıymdastyrdyq. Mysaly, barlyq jeltoqsandyqtar aqtaldy. Osy jyldar ishinde Elbasy Nursultan Nazarbaev pen QR Prezıdenti Qasym-Jomart Toqaev bizdi qoldap, jeltoqsan oqıǵalarynyń tarıhyn ashýǵa shaqyrdy. Táýelsizdikti saqtaý úshin jas urpaqtyń sanasynda olardyń ata-analary, ata-ájeleri ádiletsizdikke qarsy shyqty degen oıdy nyǵaıtý óte mańyzdy. Olar jeltoqsan oqıǵalarynyń Táýelsizdik ákelgenin bilýleri kerek», – dedi Jeltoqsan oqıǵasyna qatysýshy Shora Qarabaev.
«Búgin bılik ókilderimen jáne dekabrıstermen kezdesý ótti. Qatysýshylardy reanımatsııalaý týraly másele týyndaıdy - dekabrısterdiń jaqsy atyn qalpyna keltirý úshin muraǵattardan qujattar izdestirilýde», – dep atap ótti «Jeltoqsan aqıqaty» qoǵamdyq qozǵalysynyń tóraǵasy Bolat Qurymbaev.
Kezdesý qorytyndysy boıynsha kóterilgen máseleler men aıtylǵan usynystardy qala ákimdigi tıisti uıymdarmen birlesip egjeı-tegjeıli qaraıtyn bolady.
