Almatyda jelilik tehnologııa týraly alǵashqy stýdenttik olımpıada ótedi
ALMATY. 2 maýsym. QazAqparat /Erlik Erjanuly/ - Almatyda 6 maýsymda «Cisco Network Academy Program» halyqaralyq bilim berý baǵdarlamasynyń qoldaýymen jelilik tehnologııa týraly stýdenttik olımpıada ótedi.
Ál-Frabı atyndaǵy Qazaq ulttyq ýnıversıtetiniń Mehanıka-matematıka fakýltetinde bolatyn bul shara osy saladaǵy Qazaqstandaǵy alǵashqy stýdenttik olımpıada bolǵaly otyr. Onyń basty maqsaty - talantty jastardy anyqtap, aqparattyq tehnologııa salasyna baǵyttalǵan bolashaq kásibı qyzmetin qoldaý. Sondaı-aq telekommýnıkatsııalyq tehnologııa salasyndaǵy tehnıkalyq bilimdi nasıhattap, ulttyq jáne halyqaralyq ınfraqurylymdyq jobalarǵa qatysýǵa tartý.
Cisco jelilik akademııasynyń aıasyndaǵy bul baǵdarlama qazir álemniń 168 elinde júzege asyrylyp jatyr. Ol jalpyǵa moıyndalǵan standarttardy qoldanyp mamandardy jobalaý, qurylys, lokaldi jáne ǵalamdyq jelilerdi iske qosýda teorııalyq jáne tájirıbelik irgeli daıyndaýǵa baǵyttalǵan. Onda bilim berýdiń elektrondyq úlgisi (e-learning) qoldanylady.
