Almatyda jekemenshik úı otqa orandy
ALMATY. QazAqparat - Almatyda Jetisý aýdanynda ornalasqan jeke úıden órt shyqty. Bul týraly qalalyq ІІD baspasóz qyzmeti habarlady.
Baspasóz hatshysy Sandýǵash Baımuhambetovanyń aıtýynsha, Fotın kóshesi, 55 mekenjaıy boıynsha ornalasqan jeke úıdiń órtenip jatqany týraly habarlama keshki 21:36-da túsken.
Oqıǵa ornyna jetken órt sóndirýshilerdiń aıtýynsha, eki otbasyǵa arnalǵan úı órtengen. Órt kólemi 50 sharshy metrdi qurady. Órt sóndirýshiler tilsiz jaýdy 22:35-te aýyzdyqtady. Ázirge jalynnyń neden tutanǵany belgisiz.
