Almatyda jekemenshik úı órtenip, 5 otbasy dalada qaldy
ALMATY. QazAqparat - Almatyda búgin túnde jekemenshik úı órtenip, 5 otbasy dalada qaldy, dep habarlaıdy QazAqparat tilshisi.
Qalalyq TJD baspasóz qyzmetiniń habarlaýynsha, Almaly aýdany Varlamov 7 mekenjaıyndaǵy jekemenshik úıdiń órtenip jatqany týraly habarlama túngi 01:35-te túsken.
«Órt sóndirýshiler kelgen kezde 5 otbasy turatyn jekemenshik úıdiń shatyry órtenip jatqan. Órttiń jalyny qasyndaǵy japsarlas saraıdy da sharpı bastaǵan. Jaǵdaıdyń qıyndyǵyna baılanysty órt sóndirýshiler qosymsha brıgada shaqyrtqan. Tilsiz jaýdyń basqa da ǵımarattardy sharpýynyń aldyn alýǵa barynsha kúsh salyndy. Órt 200 sharshy metr aýmaqty sharpyǵan. Qyzyl jalynnyń qyzýy aýlada turǵan «Toyota -Hilux-Surf» kóligine zaqym keltirdi. Órt 02:08-de sóndirildi. Tótenshe jaǵdaıdan eshkim zardap shekken joq», - dedi baspasóz qyzmetinen.
