Almatyda jekemenshik turǵyn úıde gaz ballony jaryldy, qurbandar men zardap shekkender bar
ASTANA. 8 jeltoqsan. QazAqparat - Almatyda gaz ballonynyń jarylýynan jekemenshik turǵyn úı qırady, zeınetker kóz jumyp, 3 adam ajal aýzynan qutqaryldy, dep habarlady QR TJM-niń baspasóz qyzmetinen.
Juma, 7 jeltoqsan kúni Almatynyń Shyǵys tańy shaǵynaýdanynda Bııanhý kóshesiniń boıynda ornalasqan jekemenshik úıde aýa-gaz qospasy (50 lıtrlik gaz ballony) jaryldy, órt bolmaǵanymen, turǵyn úı jartylaı qırady.
4 adam úıindilerdiń astynda qalyp qoıdy, olardyń 3-eýin kórshiler ýaqytyly qutqaryp aldy (jaǵdaılary qalypty, aýrýhanaǵa jatýdan bas tartty).
QR TJM Almaty qalasy boıynsha TJD órtke qarsy qyzmeti (14 adam men 3 tehnıka) qalalyq qutqarý qyzmetiniń qyzmetkerlerimen birlesip (3 adam men 1 tehnıka) úıindilerdiń astynan 85 jastaǵy er adamnyń máıitin alyp shyqty.
