Almatyda jekemenshik kásipkerdiń kópqabatty birneshe ǵımarattan turatyn bútin bir kesheni janyp ketti - TJM
ANA. 1 qarasha. QazAqparat /Gúlmıra Álıakparova/ - Ótken senbi kúni Almatyda jekemenshik kásipkerlerdiń biriniń kópqabatty birneshe ǵımarattan turatyn bútin bir kesheni janyp ketti.
Bul týraly QR TJM-nan málim etti.
Jarokov kóshesinde ornalasqan «Klebanov» JK-da túngi saǵat 23.43-te shyqqan órt, eki saǵattyń ishinde keshenniń 2 jáne 3 qabatty ǵımarattaryn tolyǵymen sharpydy.
Tilsiz jaýmen kúreske Almaty qalasy boıynsha TJD órtke qarsy qurylymdardyń 52 adamy men 18 tehnıkasy jumyldyryldy. Jalyn 31 qazan kúni tańerteńgi saǵat 6 shamasynda aýyzdyqtaldy. Onyń sharpyǵan jalpy aýmaǵy 800 sharshy metrdi qurady.
Qutqarýshylardyń málimetinshe, tótenshe oqıǵa saldarynan 19 jasar jumysshy kúıik jaraqattaryn aldy.
Qazir órttiń shyǵý sebepteri men shyǵyndary anyqtalýda.
