Almatyda jekemenshik 3 páterlik úıde bolǵan órtti sóndirý kezinde er adamnyń máıiti tabyldy
ASTANA. 6 maýsym. QazAqparat - Almaty qalasynyń Jetisý aýdanynda jekemenshik 3 páterli úıde 5 maýsymnan 6 maýsymǵa qaraǵan túni órt boldy.
QR TJM-niń baspasóz qyzmeti habarlaǵandaı, úıdiń tóbe jabyndysy janyp ketken, órt tolyǵymen 2 saǵattan keıin sóndirildi.
Tilsiz jaýdy aýyzdyqtaýǵa QR TJM Almaty qalasy boıynsha TJD órtke qarsy qyzmetiniń 34 adamy men 9 tehnıkasy jumyldyryldy. Jalyn sharpyǵan aýmaq 100 sharshy metrdi qurady. Órt bolǵan №1-shi páterde er adamnyń máıiti ( jeke tulǵasy anyqtalmaǵan) tabyldy. 4 adam qaýipsiz jerge kóshirildi.
