Almatyda jeke turǵyn úılerdiń birinde iri órt boldy
ASTANA. Qazannyń 8-i. QazAqparat - Osy beısenbiden jumaǵa qaraǵan túni Almatydaǵy jeke turǵyn úılerdiń biri órt qushaǵyna oranyp, 36 jastaǵy azamat qaza tapty. Bul aqparatty elimizdiń Tótenshe jaǵdaılar mınıstrliginiń baspasóz qyzmeti taratyp otyr.
Vedomstvonyń málimetine qaraǵanda, tótenshe oqıǵa búgin, tańǵy saǵat 05.21-de oryn alǵan. «Órtti aýyzdyqtaýǵa QR TJM Almaty qalalyq tótenshe jaǵdaılar departamenti órt sóndirý qyzmetiniń jeke quramyndaǵy 13 maman men 2 tehnıka jumyldyryldy. Tilsiz jaý 35 sharshy metr aýmaqty sharpyǵan. "36 jastaǵy azamatty qutqarý múmkin bolmady, onyń denesi oqıǵa ornynan tabyldy", - delingen baspasóz habarlamasynda.
