Almatyda jeke turǵyn úılerde oryn alǵan órtten 2 adam zardap shekti
ALMATY. QazAqparat - Búgin Almaty qalasynyń Medeý aýdanyndaǵy Taırov kóshesi boıynda ornalasqan nómiri №31,33 jáne 35-shi jeke turǵyn úıler otqa orandy.
Bul týraly «QazAqparat» tilshisine Almaty qalalyq Tótenshe jaǵdaılar departamenti baspasóz hatshysynyń jetekshisi Sandýǵash Baımuhambetova habarlady.
Onyń aıtýynsha, órt búgin, 13 tamyzǵa qaraǵan túni tańǵy saǵat 04:51-de bastalǵan. «Órt týraly habar «101» kezekshi bólimine túsken sátte oqıǵa ornyna órt sóndirýshi bólimshe kelip jetti. Órttiń jalpy aýmaǵy 200 sharshy metrdi qurady. Tilsiz jaýdyń saldarynan 2 turǵyndy ár túrli dárejede kúıik shaldy. Olardyń biri 4-shi qalalyq aýrýhanaǵa jetkizildi. Ekinshisi odan bas tartty. Al órt tańǵy saǵat 05:48-de tolyǵymen sóndirildi. Ony sóndirýge jeke quramnan 34 adam jáne 8 arnaıy tehnıka jumyldyryldy», - dedi S. Baımuhambetova.
Qazir órttiń shyǵý sebepteri anyqtalý ústinde.
Aıta ketelik, bul úıler bir-birine óte tyǵyz ornalasqan.
