Almatyda jeke turǵyn úıge avtobýs soǵyldy
ALMATY. QazAqparat – Almatyda 141-baǵyttaǵy avtobýstyń júrgizýshisi kólikti basqara almaı, jeke turǵyn úıge soǵyldy, dep habarlaıdy QazAqparat tilshisi.
Jol apatynyń vıdeosy áleýmettik jelide tarady.
Almaty qalalyq polıtsııa departamentinde jol apaty 10 qazan, saǵat 18.00-de bolǵanyn habarlady. 141-baǵyttaǵy «Yutong» markaly avtobýstyń júrgizýshisi Kúderın kóshesimen ońtústik baǵytta kele jatyp, kólikti basqara almaı, joldan shyǵyp, jeke turǵyn úıge soǵylady.
'Jol apaty saldarynan júrgizýshiniń ózi jáne kóliktegi 6 jolaýshy zardap shekti. Bul fakti boıynsha QR QK 345-babynyń 2-bóliginde kózdelgen qylmys belgileri boıynsha sotqa deıingi tergeý bastaldy. Almaty qalalyq polıtsııa departamentiniń anyqtaý basqarmasy qylmystyq is boıynsha is júrgizýdi júzege asyrýda»,- dedi qalalyq polıtsııa departamentiniń anyqtaý basqarmasynyń bastyǵy, polıtsııa podpolkovnıgi Oljas Sháripov.
Vıdeodan alynǵan kadr/ instagram.com/kris_p_almaty_obl
