Almatyda jeke turǵyn úıdiń aýlasynan órt shyqty

ALMATY. QazAqparat- Búgin saǵat 12. 28-de Almaty qalasynyń «Terekti» yqsham aýdanyndaǵy jeke turǵyn úıdiń aýlasynda sharýashylyq qurylysy órtendi, dep habarlaıdy QazAqparat tilshisi.

«Órt ýchaskesin barlaý barysynda 290 sharshy metr aýmaqta sharýashylyq qurylystyń órtenip jatqany belgili boldy. Órt jaqyn jerdegi eki qabatty turǵyn úıge qaraı aýysyp jatqany anyqtaldy. Onda adamdardyń bar ekenine barlaý júrgizilip, órtti sóndirý úshin oqpandar iske qosyldy», - dep habarlady qalalyq TJD.

Oqıǵa ornynda órt gıdranttarynyń qashyqtyǵy 800 metr bolǵandyqtan, órt sóndirý avtotsısternalarmen jáne «Almaty tazalyq» kompanııasynyń sý tasyǵyshtarymen sý jetkizildi. Jedel shtab, órt sóndirý boıynsha 3 jaýyngerlik ýchaske qurylǵan, 11 birlik tehnıka, 40-tan astam órt sóndirýshi jáne ózara is-qımyl qyzmetteri jumyldyryldy.

«Qabyldanǵan sharalardyń arqasynda órt saǵat 13.43-te oqshaýlanyp, saǵat 14.06-da tolyǵymen óshirildi. Qaza bolǵandar men zardap shekkender joq. Almaty qalalyq TJD qala turǵyndarynan órtke qarsy araqashyqtyqty eskere otyryp, úılerdi salýdy suraıdy», - delingen habarlamada.