Almatyda jeke turǵyn úıdiń 8 bólmesi janyp ketti
ALMATY. QazAqparat - Almatyda jeke turǵyn úıden shyqqan órtti sóndirýge 30-ǵa jýyq adam qatysty, dep habarlaıdy QazAqparat tilshisi.
«20 maýsym kúni saǵat 21:28-de qalalyq TJD-niń «101» pýltine jeke turǵyn úıde órt shyqqany týraly habar kelip túsken. Túrksib aýdanyndaǵy Dobrovskıı kóshesinde ornalasqan 4-úıdiń mansard qabaty men shatyry órtengen.
«Órt sóndirý qyzmeti oqıǵa ornyna 21:33-te, ıaǵnı 5 mınýttan keıin jetti. Jeke turǵyn úıdiń mansard qabaty men shatyry órtengen. Sonymen qatar qurylysy bitpegen aǵash úıdiń 8 bólmesi otqa oranǵan. Qutqarýshylar jarty saǵat ótken soń ǵana, 22.03-te órtti aýyzdyqtaǵan. 120 sharshy metr aýmaqty sharpyǵan órtti sóndirýge 26 qutqarýshymen 6 tehnıka kúshi jumyldyryldy», - delingen baspasóz habarlamasynda.
Oqys oqıǵadan eshkim zardap shekpedi.
