Almatyda jeke turǵyn úı otqa orandy - Almaty TJD
ALMATY. QazAqparat - Almatyda 5 páterlik jeke turǵyn úıdi órt shaldy. Bul týraly búgin Almaty qalalyq TJD resmı ókili Sandýǵash Baımuhanbetova habarlady.
«Búgin kúndiz 14 saǵat 51 mınýtta Almaty qalalyq Tótenshe jaǵdaılar jónindegi departametiniń «101» kezekshi bólimine Naýryzbaı aýdany, Quramys shaǵynaýdanynyń Sátbaev 302/1 mekenjaıynda ornalasqan, qańqa-qamystan salynǵan jeke turǵyn úıdiń janyp jatqany týraly habar kelip tústi.
Órt sóndirýshilerdiń alǵashqy toby oqıǵa ornyna 15 saǵat 03 mınýtta kelip jetti. Belgili bolǵanyndaı, 5 páterli jeke turǵyn úıdiń shatyry janyp jatty. Órt 15 saǵat 35 mınýtta aýyzdyqtalyp, 15 saǵat 45 mınýtta sóndirildi. Órt aýmaǵy - 150 sharshy metrdi qurady.
Zardap shekkender joq», - dedi S. Baımuhanbetova.
Qazir ýaqytta oqıǵa ornynda órttiń shyǵý sebepteri anyqtalyp jatyr.
