Almatyda jeke turǵyn úı órtendi

ALMATY. QazAqparat – Almatyda búgin tańerteń jeke úı órtendi, dep habarlaıdy QazAqparat tilshisi.

Qalalyq Tótenshe jaǵdaılar departamentiniń málimetinshe, 4 qazan kúni tańǵy saǵat 6: 44 mınýtta órt sóndirýshiler, Bostandyq aýdany «Almagúl» yqsham aýdanyndaǵy Drýjba kóshesi, 38-úı mekenjaıy boıynsha shyqty.

«Alǵashqy órt sóndirý bólimsheleri 7 mınýttiń ishinde jetkende, jeke turǵyn úıdiń birinshi qabaty men mansardyń ashyq jalynmen janyp jatqanyn anyqtady. Kórshiles úılerge órttiń taralýy qaýipi tóndi. Órttiń tez taralýyna úıdiń aǵash qaptamasy, sondaı aq jylytý jabyndylary yqpal etti.

Gaz-tútinnen qorǵaý qyzmetiniń 3 býyny adamdardyń bar-joǵyna barlaý jumystaryn júrgizip, kórshi úılerdi órtten qorǵaýǵa jáne órtti sóndirýge oqpandar berildi, janyp turǵan shatyrdy sóndirýge órtke qarsy avtosaty tehnıkasy ornalastyryldy», - dep habarlady departamentten.

Qabyldanǵan sharalardyń arqasynda órt saǵat 07:38-de aýyzdyqtaldy, 8:00-de tolyǵymen joıyldy.

Zardap shekkender joq.

Órtti sóndirýge 9 tehnıka, jeke quramnyń 30-dan astam adamy jumyldyryldy.

Atqarylǵan sharalardyń arqasynda órt sóndirýshiler kórshiles úıler men ǵımarattardy qorǵap qaldy.