Almatyda jeke kúzet mekemeleriniń kómegimen 345 qylmystyń beti ashyldy
ALMATY. Qarashanyń 4-i. QazAqparat /Ernar Beken/ - Almatyda bıylǵy jyly kúzetshilerdiń kómeginiń arqasynda 345 qylmys ashylǵan. Bul jaıynda qalalyq ishki ister departamentiniń bastyǵy Erlan Turǵymbaev kúzet qyzmetimen aınalysatyn memlekettik emes sýbekt basshylarymen kezdesýde málim etti,
dep habarlaıdy QazAqparat.
«Biz atalǵan mindetterdi oryndaý barysynda qoǵamnyń da oǵan belsene atsalysýyn keńinen paıdalana bastadyq. Kúzetshiler qatarynan shyqqan erikti kómekshiler kóshe qylmystaryn ashýda jáne aldyn alýda eleýli qol ushyn berýde. Qol jetkizilip jatqan jetistikterdi osy jańa bastamanyń nátıjesi dep qarastyramyz», deıdi general-maıor E. Turǵymbaev.
Qazirde Almatyda kúzet qyzmetimen aınalysatyn 600-den astam memlekettik emes sýbekt jumys istep, olar 17 myńnan astam nysannyń qaýipsizdigin qamtamasyz etedi. Bıylǵy jyly qoǵamdyq tártipti kúzetýge 9 myńdaı kúzetshi tartylǵan. Sonyń arqasynda 345 qylmys áshkerelenip otyr. Polıtsııanyń qoǵamdyq kómekshileri qataryna 3 myńnan astam kúzetshi qosylǵan.
