Almatyda jedel járdemge táýligine 2,5 myńnan astam qońyraý shalynady
ALMATY. QazAqparat - Almatyda jedel járdem qyzmetine táýligine 2 500-den astam qońyraý soǵylady. Bul týraly onlaın brıfıng barysynda qalalyq Qoǵamdyq densaýlyq saqtaý basqarmasynyń ókili Svetlana Sultanǵazıeva aıtty, dep habarlaıdy QazAqparat tilshisi.
«Ótken aptada bizde kúnine 700-den astam adamnan koronavırýs tabyldy. Osy aptanyń alǵashqy kúni - búginniń ózinde bizde 610 jaǵdaı. Jedel járdemge túsken qońyraýdyń eń kóbi ótken aptada tirkeldi, táýligine 2 500-den astam shaqyrý boldy, keshegi jaǵdaı boıynsha qońyraý sany - 1 900-ge jýyq. Jedel járdem ózine túsken aýyrtpalyqty jaqsy eńserip jatyr. Sonymen qatar, emhanalar kúrdeliliktiń tórtinshi sanatyndaǵy qońyraýǵa qyzmet kórsetedi, emhanalar kúnine 400-500 qońyraýǵa jaýap beredi», - dedi ol.
Buǵan deıin, Svetlana Sultanǵazıeva Almatyda jedel járdem qyzmetin prokýratýra tekserip jatqanyn aıtqan bolatyn.
