Almatyda jedel járdem shaqyrtý edáýir azaıdy
ALMATY. QazAqparat – Almatyda jedel járdem shaqyrtý edáýir azaıdy. Bul týraly onlaın brıfıng barysynda Qoǵamdyq densaýlyq saqtaý basqarmasynyń basshysy Kamaljan Nadyrov aıtty, dep habarlaıdy QazAqparat tilshisi.
«Jedel járdem jumysynda suranystyń azaıǵany baıqalady. Ótinishter men shaqyrtý sany sońǵy aıda 1-3 sanat boıynsha 2200-den 1400-ge deıin jáne 4 jedeldik sanaty boıynsha 280-den 170-ke deıin azaıdy. Vırýs órshigen shaqta biz múldem basqa kórsetkishterdi baıqaǵan edik. Jedel járdem táýligine 8 000-ǵa deıin ótinish qabyldasa, árbir ekinshi qońyraýdan soń brıgada naýqastyń úıine bardy», - deıdi Kamaljan Nadyrov.
Sonymen qatar, ol qalaǵa qosymsha 55 jedel járdem kóligi satyp alynatynyn atap ótti.
«Jedel medıtsınalyq járdem qyzmetinde 3 myńnan astam adam jumys isteıdi. 180 brıgada jumyldyrylǵan. Onyń ishinde 365 dáriger, 1 388 feldsher bar. Osy turǵyda jedel járdem qyzmeti kúzgi jáne qysqy kezeńge daıyn ekenin atap ótken jón. Vırýs órshigen shaqta qyzmet kórsetý táýligine 500-ge deıin patsıentti qabyldaýy múmkin degen boljam bar. Qosymsha 55 jedel járdem kóligi kelip túsedi dep kútilyp otyr»,– dedi ol.
