Almatyda jedel járdem qyzmetine júginetinder sany eki esege ósti
ALMATY. QazAqparat - Almatyda jedel járdem qyzmetine júginetinder sany eki esege ósti. Bul týraly onlaın brıfıng barysynda qalalyq jedel medıtsınalyq kómek qyzmeti dırektorynyń orynbasary Andreı Lojkın málim etti, dep habarlaıdy QazAqparat tilshisi.
Onyń aıtýynsha, Almatyda jedel járdem qyzmetine kelip túsken qońyraýlardyń joǵary kórsetkishi shamamen bir apta buryn tirkeldi. Bir kúnde 8 myń qońyraý qabyldandy.
«Jyl basynda jedel járdem qyzmeti kúnine orta eseppen 3 200 -ge jýyq qońyraý qabyldaǵan. Qazir aýrýdyń taralý shyńy kezinde kelip túsken qońyraýlardyń sany eki esege derlik ósip, 6 400 boldy. Sońǵy kezdegi tirkelgen qońyraýlardyń eń maksımaldy kórsetkishi - táýligine 8 myń»,-deıdi ol.
Soynmen qatar, ol brıgadalardaǵy júktemeniń óskenin aıtty.
«Jedel járdem brıgadasy kúnine shamamen 15 shaqyrtýǵa barady. Jyl basynda eń kóp degende 8-10 qońyraý bolǵan edi. Qońyraýlardyń kelip túsý merzimi árqıly bolýyna baılanysty eń jıi aralyq - saǵat 10.00 -den 15.00 -ge deıin jáne 19.00 -den 24.00 -ge deıin turǵyndardan kelip túsken qońyraýlardyń keıbirine keshiktirilip qyzmet kórsetilgen kezder boldy. Árıne, barlyq qońyraýlarǵa minetti túrde qyzmet kórsetiledi, biraq, eń aldymen, naýqastyń ómiri men densaýlyǵyna qaýip tónip turǵany týraly jetken aqparattarǵa shuǵyl áreket jasalyp, basymdyq beriledi», - dedi Andreı Lojkın.
