Almatyda jedel járdem qyzmetine táýligine qansha shaqyrtý túsedi
Basqarmanyń málimetinshe, JRVI sekildi merzimdi aýrýdyń kezeńinde shaqyrtýlar sany 4000-ǵa deıin jetedi. Al COVID-19 pandemııasy keń etek alǵan kezeńde 8000-ǵa deıin shaqyrtý túsken.
Jalpy, 4-shi jedeldilik (shuǵyl emes) sanatyna qatysty shaqyrtýlar óte kóp túsedi. Mundaı shaqyrtýlar qalalyq emhanalardyń jedel medıtsınalyq kómek bólimshelerine jóneltiledi. Sondaı-aq, konsýltatsııalyq sıpattaǵy shaqyrtýlar da bolady. 2500 qońyraýdyń 300-ge jýyǵy Áleýmettik medıtsınalyq saqtandyrý qorynyń kontakt-ortalyǵyna jáne Telemedıtsına ortalyǵyna tıesili.
Tegin medıtsınalyq kómektiń kepildendirilgen kólemi (TMKKK) shuǵyl jáne kezek kúttirmeıtin jaǵdaıda barlyq turǵyndarǵa, qandastarǵa, QR-da turǵylyqty turatyn sheteldikterge jáne azamattyǵy joq tulǵalarǵa kórsetiletin eń tómengi qajetti medıtsınalyq kómektiń kólemi qarastyrylǵan. ıAǵnı, kezek kúttirmeıtin shuǵyl aralasý – bul TMKKK, al anaǵurlym joǵary standarttaǵy qyzmet kórsetýler, qosymsha, qymbat turatyn, kepildendirilgen tegin qyzmet kóleminen asa sırek qyzmetter – bul MÁMS (mindetti áleýmettik medıtsınalyq saqtandyrý).
Mindetti áleýmettik medıtsınalyq saqtandyrý boıynsha konsýltatsııalardy 1406 nómiri boıynsha Kontakt-ortalyǵynan alýǵa bolady. Qazaqstannyń barlyq terrıtorııasy boıynsha mobıldi jáne qalalyq telefondardan qońyraý shalý tegin.
Jumys kúnderi kontakt-ortalyǵy 8:00-den 20:00-ge deıin jumys isteıdi. Mereke jáne demalys kúnderi, sondaı-aq, túńgi ýaqytta halyqqa IVR qyzmet kórsetedi. Bul júıe aldyn-ala jazylǵan daýystyq habarlama boıynsha kontakt-ortalyqtyń ishki qońyraýlarynyń marshrýtyn anyqtaıtyn jáne operatorlar ózderiniń fýnktsıonaldary boıynsha jumysqa kirisken kezde, suraqtar tirkeledi jáne jumysqa qabyldanady.
KVI-men kúreste mańyzdy sheshimderdiń biri 2020 jylǵy qyrkúıekte Telemedıtsınalyq ortalyqty (TMO) qurý boldy. Onyń maqsaty - COVID-19-ben úı jaǵdaıynda em alýshy, sondaı-aq, qaýip tobyndaǵy patsıentterdi qashyqtyqtan baqylaý jáne konsýltatsııa berý bolyp tabylady.
TMO baılanys nómiri: 300 05 05, qysqa nómir - 1312.