Almatyda jedel járdem qyzmetine 50 jańa kólik beriledi
ALMATY. QazAqparat – Almaty ákimi Baqytjan Saǵyntaev Almatynyń jedel járdem qyzmetine barlyq qajetti medıtsınalyq qurylǵylarmen jabdyqtalǵan 50 kóliktiń kiltterin tapsyrdy.
Onyń aıtýynsha, avtoparkti jańa kóliktermen tolyqtyrý qaladaǵy medıtsınalyq mekemelerdi modernızatsııalaýdyń úsh jyldyq jospary boıynsha júrgizilýde.
«Búgin jedel járdem qyzmetine jańa 50 Hyundai – N 350 BUS Ambulance avtokóligi berildi. Zamanaýı jedel járdem kólikteriniń bortynda defıbrıllıatorlar, elektrokardıograftar, ÓJJ apparattary men basqa da qajetti jabdyqtar bar», — dedi B. Saǵyntaev.
Sonymen qatar, ol bıyl 74 statsıonar men emhanaǵa shamamen 4,2 myń birliktegi medıtsınalyq qural-jabdyq satyp alynǵanyn aıtty. Jedel járdemniń jańa 85 kóligi satyp alyndy. 2021 jyldyń basynda taǵy 50 kólik satyp alý josparda.
«Jańa kólikter patsıentterge shuǵyl túrde jetip, ýaqytyly kómek kórsetýge septigin tıgizedi. Bul, ásirese, pandemııa kezinde óte mańyzdy. Mindetimiz – qala turǵyndarynyń densaýlyǵyn saqtaý. Saq bolyńyzdar!», — dedi qala Baqytjan Saǵyntaev.
