Almatyda jedel járdem qyzmetindegi tekseris: istiń mán-jaıy belgili boldy
ALMATY. QazAqparat - Almaty Qoǵamdyq densaýlyq saqtaý basqarmasy jedel járdem qyzmetindegi quqyq qorǵaý organdarynyń tekserýine qatysty istiń mán-jaıyn aıtty, -dep habarlaıdy QazAqparat tilshisi.
Vedomstvonyń baspasóz qyzmeti Jedel járdem stantsııasy ákimshiliginiń ótinishi boıynsha quqyq qorǵaý organdary tekserý júrgizgenin málim etti.
«Jospardan tys túgendeý barysynda qosalqy stantsııalarda dári-dármekter men medıtsınalyq buıymdardyń jetispeýshiligi jáne normadan kóp ekeni anyqtaldy. Mysaly, maska, qorǵanys ekran, rezeńke etik jáne basqasy. Mán-jaıdy obektıvti tekserý úshin jedel járdem stantsııasy ákimshiligi aqparatty tıisti organdarǵa jiberdi. Tekserý jáne tergeý nátıjeleri boıynsha sharalar qabyldanady», - dep habarlady vedomstvadan.
Sonymen qatar, jedel járdem stantsııasynda qyzmetkerlerge jalaqy tóleý boıynsha keshigýler joq ekeni aıtyldy.
Aıta keteıik, Almaty qoǵamdyq densaýlyq saqtaý basqarmasynyń ókili Svetlana Sultanǵazıeva onlaın brıfıngide prokýratýra jedel járdem jumysyndaǵy zańbuzýshylyqtarǵa baılanysty isti tergep jatqanyn aıtqan edi.
