Almatyda jedel járdem kóligine jol bermegen Infiniti júrgizýshisine aıyppul salyndy
ALMATY. QazAqparat - Almatyda jedel járdem kóligine kederge jasǵana Infiniti avtokóliginiń júrgizýshisine aıyppul salyndy. Oqıǵa mamyr aıynda bolǵan edi.
«Maýsym aıynda Infiniti júrgizýshisi QR ÁK 598 babynyń 1 bólimi boıynsha «Bir mezgilde jarqyldaýyq maıagi men arnaıy dybys sıgnaly iske qosylǵan jedel jáne arnaıy qyzmetter kólik quralynyń júrýine basymdyq bermeý» jáne 612 baptyń 3 bóliminde «Kólik quralyn basqarý quqyǵynan aırylǵan júrgizýshiniń kólik quralyn basqarýy» boıynsha ákimshilik jaýapkershilikke tartyldy. Júrgizýshige 35 myń teńgeden astam soma kóleminde aıyppul tóleý mindetteldi. Oqıǵa mamyr aıynda ótse de, júrgizýshiniń uzaq ýaqyt qaladan tys bolýyna baılanysty, maýsym aıynda jaýapkershilikke tarttyq», - dep habarlady Almaty ІІD resmı ókili Saltanat Ázirbek.
Bıylǵy mamyr aıynda ǵalamtorǵa jedel járdem kóligin ótkizbeı qoıǵan júrgizýshi týraly beınerolık jarııalanyp, ony ǵalamtor paıdalanýshylary synǵa alǵan edi.
