Almatyda jedel járdem kóligi apatqa ushyrady
ALMATY. QazAqparat - Almatyda jedel járdem kóligi apatqa ushyrady, zardap shekkender bar, dep habarlaıdy QazAqparat tilshisi.
Almaty qalalyq jedel járdem baspasóz qyzmetiniń málimetinshe, jedel járdem kóligi Raıymbek dańǵylymen batys baǵytta, Saıyn kóshesindegi kópirden tómen túsip kele jatyp, basqa kóliktermen soqtyǵysqan.
«Apat saldarynan jaraqat alǵan eki adam aýrýhanaǵa jetkizildi. Al jedel járdem kóligindegi feldsher tekserilgenen keıin úıine jiberildi. Jol-kólik oqıǵasy bolǵan jerge jol polıtsııasy shaqyrtyldy. Apattyń mán-jaıy zerttelýde, sebepteri tehnıkalyq saraptamadan keıin belgili bolady «, - dep atap ótti vedomstvadaǵylar.
Buǵan deıin, 5 sáýir kúni taǵy bir jedel járdem kóligi Seıfýllın kóshesi men Raıymbek batyr dańǵylynda «VAZ 2115» avtokóligimen soqtyǵysqan bolatyn.
