Almatyda «jedel járdem» dárigerine shabýyl jasaǵan er adam tutqyndaldy
ALMATY. QazAqparat - Almaty polıtsııasy dárigerge shabýyl jasaǵan er adamdy tutqyndady, dep habarlady qala ІІD-niń baspasóz qyzmeti.
28 qarashada Almaty qalasy Naýryzbaı aýdanynyń soty QR QR-niń 2-bólimi 106 babynyń 7-tarmaǵynda (Buzaqylyqpen densaýlyqqa qasaqana aýyr zııan keltirý) kózdelgen aýyr qylmys jasaǵan 38 jastaǵy jergilikti turǵynǵa qatysty qamaýǵa alý túrinde bultartpaý sharalaryna sanktsııa berýi jónindegi ishki ister basqarmasy tergeýshisiniń ótinishin qoldady.
Esekke sala keteıik, bul qylmys 26 qarashada tańǵy saǵat tórttiń shamasynda Naýryzbaı aýdanyndaǵy jeke sektorda oryn aldy. Qazaqstan Respýblıkasynyń Qylmystyq-protsessýaldyq kodeksiniń 128-babynda kózdelgen tártippen kúdikti ustalǵan boıda ІІD-niń ýaqytsha oqshaýlaý abaqtysyna qamaldy. Al 27 qarashada osy is boıynsha sot aldyndaǵy tergeýdi júrgizetin tergeýshi ustalǵan adamǵa qatysty tutqyndaý túrinde bultartpvaý sharasyn tańdaý týraly ótinish jasady.
Sondaı-aq tergeý alǵashqy protsessýaldyq áreketterdi júrgizgennen keıin aldyn ala sot aldyndaǵy tergeýdiń biryńǵaı tiziliminde tirkelgen buzaqylyq faktisi boıynsha qylmystyq is aýyryraq qylmys - adam densaýlyǵyna qasaqana aýyr zııan keltirý túrinde qaıta rásimdeldi.
