Almatyda jedel basqarýdyń biryńǵaı ortalyǵy qurylady
ALMATY. 6 shilde. QazAqparat - Almatyda jedel basqarýdyń biryńǵaı ortalyǵy qurylady. Bul týraly qala ákimi Ahmetjan Esimovtiń tóraǵalyq etýimen jedel basqarýdyń biryńǵaı ortalyǵyn qurý máselesi týraly ótken alqaly jıynda jarııa etildi.
«Almatyda bizdiń barlyq qyzmetterimizdiń kúsh-jigerin biriktiretin bir nómirli biryńǵaı ortalyq qurýdyń mezgili jetti. Turǵyndarǵa birden ekstrendi kómek kórsetý úshin polıtsııa, medıtsına, órt sóndirý qyzmetimen birden baılanysqa shyǵý qajet. Buǵan qajet qarjyny bóletin bolamyz»,-dedi A. Esimov. Jedel qyzmetke tıesili qarjy máselesin jan-jaqty saralaý úshin arnaıy jumys tobyn qurǵan shahar basshysy, oǵan 1 aı ishinde saraptamalyq jumysty daıyndap, biryńǵaı ortalyq qurýdyń ıntegratsııasy jóninde usynys berýdi júktedi. A. Smaǵululynyń sózine qaraǵanda, bul sharalardy júzege asyrý úshin Evropalyq banktiń nesıelik komıteti 15 mln. eýroǵa deıin zaem beretin bolyp kelisken. Atalǵan jobalar qala kóliginiń problemalaryn sheship, halyqqa qyzmet kórsetý sapasyn jaqsartatyn bolady. «Aqyldy qala» jobasyna biryńǵaı kol-ortalyq, baǵdarshamdar men baqylaý kameralary ortalyǵy, elektrondy tablo, kóshege kólik qoıý men kóshe jaryǵy júıeleri engen.
Qazirgi kezde Almatyda jemqorlyqpen kúresti kúsheıtý maqsatynda jol qozǵalysy erejesin buzýshylardy birden anyqtaıtyn beınefıksatsııasynyń keshendi qondyrǵylary ornatylýda. Jyl aıaǵyna deıin qazirgi zamanǵy 57 ınnovatsııalyq qosyndar jumys isteıtin bolady. Al keler jyly bulardyń sany 107-ge deıin jetpek. Beınekameralar ІІD-niń ǵımaratynda ornalasqan jedel basqarýdyń biryńǵaı ortalyǵyna lezde habar jetkizedi.
