Almatyda Jazýshylar úıindegi kúrdeli jóndeý jumystary aıaqtaldy
Jazýshylar úıi 1955 jyly salynǵan jáne munda kópten beri jóndeý jumystary júrgizilmegen. Ótken jyly alǵashqy kezdesýlerdiń birinde jazýshylar qaýymdastyǵy Almaty ákimi B. Saǵyntaevqa úıdi jóndeýge kómektesý týraly ótinish bildirgen edi. Ǵımaratty jóndeý jumystarynyń nátıjeleri týraly megapolıs ákimi óziniń Instagram-daǵy paraqshasynda jazdy.
«Bul týraly jazýshylar qaýymdastyǵymen ótken jyly bolǵan kezdesýde aıtyldy. Sol jyly Jazýshylar úıin retke keltirý týraly sheshim qabyldandy. Nátıjesinde shatyr, elektrmen jabdyqtaý jáne jylytý júıeleri aýystyrylyp, ishki árleý jańartyldy», — dep jazdy B. Saǵyntaev.
Megapolıs ákimi klassıtsızm stılinde boı kótergen ǵımarat pen onyń ıntereriniń sáýlettik kelbetin saqtap qalý qajettigine basa nazar aýdardy.
«Bul ádebıet ǵıbadathanasynda bir kezderi eńbek etken Muhtar Áýezov, Sábıt Muqanov, Ábdijámil Nurpeıisov, Oljas Súleımenov syndy ulylardyń atmosferasyn saqtap qalý úshin qajet edi», — dep atap ótti qala ákimi.
«Aqyn-jazýshylardy qoldaý úshin Jazýshylar Odaǵynyń usynýymen avtorlardyń 30 kitabyn shyǵarýǵa qarajat bólindi. Kitap qaladaǵy jáne mektep kitaphanalarynyń qoryn tolyqtyrady. Mundaı qoldaý kelesi jyly da jalǵasyn tabady», — dep habarlady B. Saǵyntaev.
