Almatyda jazýshy Jumabaı Shashtaıulynyń «Qyzyl qar» romanynyń tusaýy kesildi
Sharaǵa QR Aqparat jáne qoǵamdyq damý mınıstri Aıda Balaeva, «Qyzyl qar» romanynyń avtory, belgili jazýshy Jumabaı Shashtaıuly, birqatar respýblıkalyq buqaralyq aqparat quraldarynyń basshylary, jazýshylar, ǵalymdar men zııaly qaýym ókilderi qatysty.
Mınıstr Jumabaı Shashtaıulynyń ómirde de, kórkem ádebıette de shynaıy pozıtsııany ustanatyn azamat, sonymen birge el jýrnalıstıkasynyń damýyna óz úlesin qosqan jýrnalıst ekendigin atap ótti.
«Qyzyl qar» atty debıýttik shyǵarmasy sonaý Keńes dáýiri kezeńinde jazylyp, sol tusta synǵa ilikkenin bilemiz», - dedi Aıda Balaeva.
Avtordyń aıtýynsha, «Qyzyl qar» romany 1984 jyly jazylǵan. Keńes úkimetiniń synyna ushyraǵan shyǵarma araǵa 36 jyl salyp jaryqqa qaıta shyqty.
«1984 jyly shyqqan bolatyn, eki aıdan keıin Qazaqstan kompartııasynyń ortalyq komıteti úlken jýrnalısterdiń jıynynda qatty synady. Sebebi, men mal sharýashylyǵynyń qıyndyǵyn, maldyń qyrlǵanyn, ash qoılar bir-biriniń júnin jegenin ashyq jazdym. Sondyqtan, onyń taralýyna jol bermedi. Allaǵa shúkir! Minekeı araǵa jyldar salyp roman bolyp qaıta jaryqqa shyqty. Mazmunyn joǵaltpaı, ózgerister engizip roman etip shyǵardym. Bul jerde eki dostyń ómiri baıandalady. ıAǵnı, bireýi qoı baǵyp aýylda qalady, ekinshisi oqýǵa túsip qalaǵa ketedi. Ekeýiniń ómirin salystyrmaly túrde kórsettim»,– deıdi Jumabaı Shashtaıuly.
Jazýshy Smaǵul Elýbaıdyń pikirinshe, Jumabaı Shashtaıuly - týma talant.
«Jumabaı Shashtaıulynyń ereksheligine keletin bolsaq, ol - qalyń halyqtyń, qazaqtyń dástúrli kásibimen aınalysqan shopannyń balasy. Ol sol ómirdi sýretteý arqyly qazaq degen halyqtyń sol kezdegi muń-muqtajyn, keıpin, beınesin jasady. Ony halyqtan bólip alýǵa bolmaıdy. Ol - týma talant. Jumabaı Shashataıuly 70 jasqa abyroımen keldi. Týǵan kúni qutty bolsyn!»,– dedi
1000 danamen shyqqan «Qyzyl qar» romany jýyq arada kitaphanalar men kitap dúkenderine taratylady.
