Almatyda jazýshy Sábıt Dosanovtyń 70 jyldyǵyna arnalǵan kesh ótedi
ALMATY. Qańtardyń 26-sy. QazAqparat /Názıra Eleýhan/ - Abaı atyndaǵy opera jáne balet teatrynda aqpan aıynyń 1-i kúni QR eńbek sińirgen qaıratkeri, M.Sholohov atyndaǵy halyqaralyq syılyqtyń laýreaty, Reseı Pedagogıka jáne áleýmettik ǵylymdar akademııasynyń akademıgi, professor, belgili qazaq jazýshysy Sábıt Dosanovtyń 70 jyldyq mereıtoıyna arnalǵan kesh ótedi,
dep habarlaıdy QazAqparat.
Sharany uıymdastyrýshylar - Almaty ákimdigi men Jazýshylar odaǵy. Sábıt Dosanov - kóptegen áńgimeler men povesterdiń, romandar men pesalardyń avtory. Onyń ár shyǵarmasy qoǵamdyq pikir týdyrady.
Jazýshynyń alǵashqy óleńderi men áńgimeleri mektep qabyrǵasynda júrgenen-aq aýdandyq, oblystyq jáne respýblıkalyq gazet-jurnaldarda jaryq kóre bastaǵan. Onyń «Shabyndyqta» dep atalatyn shyǵarmasy 2 synyp oqýshylaryna arnalǵan «Ana tili» oqýlyǵyna engen. Jazýshynyń 27 jasynda jazǵan «Aq arýana» povesi oǵan tanymaldyq ákelgen bolatyn. Búginde bul shyǵarma álemniń birneshe tiline aýdarylǵan. Kórnekti grýzın jazýshysy, aýdarmashy Mýrman Djýgýrııa: «Aq arýanany» qazaq mektepterinde oqytatyn shyǵar. Ol týyndyny barlyq jerde oqytý kerek, onyń mańyzy zor. «Arýana» ár túrli dinı senimdegi jáne barlyq halyqtardyń basyn qosatyn klassıkalyq shyǵarma», dep jazǵan.
