Almatyda jazýshy Qajytaı Іlııasov dúnıeden ótti

ASTANA. 28 qańtar. QazAqparat - 28 qańtarǵa qaraǵan túni Almatyda qazaqtyń belgili qalamgeri, halyqaralyq «Alash» syılyǵynyń laýreaty Qajytaı Іlııasov 74 jasqa qaraǵan shaǵynda dúnıeden ótti. Bul týraly Qazaqstan Jazýshylar odaǵynyń basqarmasynan habarlady.

Qajytaı Іlııasov 1939 jyly QHR-dyń Tarbaǵataı aımaǵyndaǵy Dórbiljin aýdanynda týǵan. Shyńjań Til ınstıtýtynyń (pedagogıkalyq) qytaı tili fakýltetin bitirip, «Shyńjań» gazetiniń redaktsııasynda aýdarmashy, sol gazettiń Іle, Tarbaǵataı aımaǵyndaǵy menshikti tilshisi bolyp qyzmet istegen. 1962 jyly Qazaqstanǵa kelip, 1969 jyly Qazaq memlekettik ýnıversıtetiniń jýrnalıstıka fakýltetin bitirgen. «Ara»-«Shmel» jýrnalynda, «Lenınshil jas» (qazirgi «Jas alash») gazetinde feletonıst, bólim bastyǵy, Qazaq teledıdarynda aǵa redaktor, Qazaq KSR Baspa, polıgrafııa jáne kitap saýdasy isteri jónindegi memlekettik komıtetiniń Bas redaktsııasynda, «Jazýshy» baspasynda redaktor, «Azamat», «Astana», «Astana daýsy» - «Golos Astany» gazetterinde Bas redaktor, QR UǴA-nyń M.O.Áýezov atyndaǵy Ádebıet jáne óner ınstıtýtynda aǵa ǵylymı qyzmetker bolyp qyzmet atqarǵan.
«Dastarhan» atty eń alǵashqy óleńi «Shyńjań» gazetinde 1959 jyldyń kúzinde jarııalanǵan. Lırıkalyq, satıralyq óleńderi respýblıkalyq baspasóz betterinde 1965 jyldan jarııalanyp keledi. 1967 jyly Qazaqstan Jazýshylar odaǵy men «Lenınshil jas» gazeti birigip jarııalaǵan jyr músháırasynda bas báıgege ıe bolǵan. 2001 jyldan bastap halyqaralyq «Soros-Qazaqstan» qorynyń jáne birneshe respýblıkalyq jyr músháıralarynyń alty márte júldegeri. 21 án men 3 kúıdiń avtory.
Halyqaralyq «Alash» ádebı syılyǵynyń laýreaty.

Jazýshynyń «Qaıran jastyq» óleńder men poemalar jınaǵy. «Ýsoıqy», «Maımyldyń mádenıet»», «Bile bilseń», «Qalaqaı qamshy» atty satıralyq kitaptary, «Tas jarǵan» lırıkalyq óleńderi jaryq kórgen.

Aqynmen qoshtasý Jazýshylar odaǵynyń úıinde 30 qańtarda ótpek.