Almatyda jazýshy Ádı Sháripovtiń 100 jyldyǵyna arnalǵan shyǵarmashylyq kesh ótedi

 dep habarlady QR Mádenıet jáne aqparat mınıstrliginiń baspasóz qyzmetinen.

Kontsertte QR Halyq ártisteri Eskendir Hasanǵalıev, Nurǵalı Núsipjan, KSRO Halyq ártisi Bıbigúl Tólegenova, QR eńbek sińirgen ártisteri Aıgúl Úlkenbaeva, Aıdos Bektemirov, halyqaralyq konkýrstardyń laýreattary Jánel Túkeeva, Azamat Asqarov, Bolat Búkenov, respýblıkalyq konkýrstardyń laýreattary Nurjan Bajekenov, Erkin Shúkimanov, sonymen qatar «Gúlder» bı ansambli, Qurmanǵazy atyndaǵy Qazaq melekettik akademııalyq halyq aspaptar orkestri, Abaıa atyndaǵy MAOBT sımfonııalyq orkestri jáne A.Jubanov atyndaǵy daryndy balalarǵa arnalǵan mamandandyrylǵan mýzyka mektebiniń skrıpkashylar ansambli óner kórsetedi.

Ádı Sháripov 1912 jyly qazirgi Shyǵys Qazaqstan oblysy Jarma aýdanynda dúnıege kelgen. Jazýshy, fılologııa ǵylymynyń doktory, Qazaq KSR-iniń eńbek sińirgen muǵalimi. Lenın, 1-dárejeli Otan soǵysy, 2 ret Eńbek Qyzyl Tý, Qyzyl Juldyz, «Qurmet Belgisi» ordenderimen marapattalǵan. «Partızan qyzy», «Ormandaǵy ot», «Ton», «Qapastaǵy juldyzdar» atty shyǵarmalardyń, «Sahara qyzy», «Dos syry» romandarynyń avtory. «Orman hıkaıasy» atty kınostsenarııi boıynsha túsirilgen kórkemsýretti fılm Tashkent qalasynda ótken Azııa men Afrıka elderiniń kınofestıvali men Almatyda ótken Keńester odaǵynyń kınofestıvalinde KSRO Qorǵanys mınıstriniń arnaýly júldesine ıe boldy.