Almatyda jazǵy kafeniń ústine aǵash qulady
ALMATY. QazAqparat - Almatydaǵy Mádenıet jáne demalys ortalyq saıabaǵynda ornalasqan jazǵy kafeniń ústine aǵash qulady, dep habarlaıdy QazAqparat tilshisi.
Vıdeo avtorynyń aqparatyna sáıkes, zardap shekkender bolǵan joq.
Almaty qalalyq ekologııa jáne qorshaǵan ortany qorǵaý basqarmasy atalǵan saıabaq aýmaǵynda shaǵan aǵashynyń butaǵy qulaǵanyn anyqtady.
Basqarmanyń málimeti boıynsha aǵashtyń aınalasy tolyq zerdelendi. Sondaı-aq aǵash «Altyn Taraz» JShS-ǵa tıesili kafeniń irgeles aýmaǵynda ósedi.
«Almaty qalasynyń jasyl jelekterin kútip-ustaý jáne qorǵaý qaǵıdalaryna sáıkes menshik ıesi kútim jasaý jumystaryn, onyń ishinde irgeles aýmaqta ósetin aǵashtardy sanıtarlyq kesý jumystaryn júrgizýi tıis. Basqarma aýmaq ıesine sanıtarlyq kesýdi júrgizý týraly usynys joldady», - dep habarlady qalalyq ekologııa jáne qorshaǵan ortany qorǵaý basqarmasy.
