Almatyda jazǵy kafeler jumys isteýge ruqsat aldy

ALMATY. QazAqparat - Almatyda jazǵy alańdar men kafelerdiń ashylýyna ruqsat berildi. Ákim bul sheshimdi kásipkerlik sýbektileri úshin qatań karantın engizý saldaryna arnalǵan Almaty qalasynyń kásipkerler qaýymymen kezdesýi kezinde málim etti, dep habarlaıdy QazAqparat tilshisi qalalyq kásipkerler palatasynyń baspasóz qyzmetine silteme jasap jasap.

Kezdesý barysynda Almaty qalasy kásipkerler palatasynyń óńirlik keńesiniń músheleri óz usynystaryn bildirip, memleket tarapynan qoldaý kórsetý týraly suraqtar qoıdy.

«Belgili bir áleýmettik máseleler bar. Qazirgi ýaqytta shamamen 50 myń kásiporynnyń qyzmetine shekteý qoıyldy. Bul - 20 myń jalǵa alýshy, 25 myń bazar, bes myń meıramhana men kafe. Onda 250 myńǵa jýyq adam jumys isteıdi», – dep atap ótti Baqytjan Saǵyntaev.

Otyrysta karantın kezeńinde jumyskerlerdiń jalaqysy men kásipkerlik sýbektileriniń úı-jaılaryn jaldaý shyǵyndaryn bıýdjetten qarjylandyrý usynyldy.

Almaty qalasy ákiminiń aıtýynsha, bızneske salyqtyq jeńildikter berý máselesi pysyqtalýda.

«Búgin biz Almaty qalasynyń bas sanıtar dárigerimen jazǵy jumysshylar máselesin talqyladyq. Kezdesý nátıjesinde jazǵy alańdardyń jumysyn qaıta bastaý týraly sheshim qabyldandy, qaýlyǵa tıisti ózgerister engizildi», – dedi Almaty qalasynyń ákimi Saǵyntaev.

QR kodyn paıdalaný jáne jalpy PTR bazasymen ıntegratsııalaý arqyly kelýshiniń mártebesin anyqtaýǵa múmkindik beretin Ashyq pılottyq jobasynyń jumysyn Almatyda qaıta bastaý týraly sheshim qabyldandy.

Baqytjan Saǵyntaev vırýstyń mýtatsııalanǵan shtamdarynyń taralýymen qıyndatylǵan Almatydaǵy epıdemıologııalyq jaǵdaıdyń aýyrlyǵyn atap ótti.

Onyń aıtýynsha, qazir taratý jyldamdyǵy turǵysynan jaǵdaı ótken jazdaǵydan áldeqaıda kúrdeli.

Aıta keteıik, senbi, 27 naýryzda Almatynyń bas memlekettik sanıtarııa dárigeri Jandarbek Bekshın qalada kúsheıtilgen karantın sharalaryn 12 sáýirge deıin uzartty.