Almatyda jazdyń sońyna deıin birneshe kóshe jabylady
«Almaty jylý júıesi» kásipornynyń málimetinshe, jylý jelilerin qaıta jańartýǵa baılanysty 8 maýsymnan 30 tamyzǵa deıin qalanyń tórt aýdanyndaǵy birneshe kóshede kólik qozǵalysy shekteledi.
Medeý aýdanynda Qajymuqan kóshesimen (Gospıtalnaıa kóshesinen Dostyq dańǵylyna deıin) ótetin jol jabylady,
Bostandyq aýdanynda qozǵalys júrisi Gagarın kóshesimen (Hodjanov kóshesinen Esqaraev kóshesine deıin), Esqaraev kóshesimen (Gagarın kóshesinen Rozybakıev kóshesine deıin) toqtatylady.
Jetisý aýdanynda Raıymbek dańǵylynyń soltústik jaǵymen (Baızaqov kóshesinen Kazakov kóshesine deıin), odan ári Kazakov kóshesimen (Raıymbek dańǵylynan Brodskıı kóshesine deıin) jol jabylady.
Áýezov aýdanynda Kishi Saın kóshesiniń batys jaǵyna qaraı (Ulyqbek pen Shalıapın kósheleriniń arasy) jabylady.
Engizilgen shekteýler osy kóshe ýchaskeleriniń júris bóligimen ótetin qubyrlardy qaıta qurý jumysynyń qaýipsizdigin qamtamasyz etý úshin qajet.
«Jergilikti turǵyndarǵa qolaıly jaǵdaı jasaý úshin olardyń úılerine ystyq sý ýaqytsha shema boıynsha jetkiziledi»,- dep habarlady «Almaty jylý jelileri» JShS.
