Almatyda jazda ashylýy tıis bolǵan jańa emhananyń qurylysy áli aıaqtalǵan joq

ALMATY. QazAqparat – Almaty ákimi erbolat Dosaev Jetisý aýdanynyń turǵyndarymen kezdesý kezinde bıyl maýsym aıynda ashylýy tıis bolǵan jańa emhananyń qurylys jumystary negi aıaqtalmaı jatqanyn túsindirdi, dep habarlaıdy QazAqparat tilshisi.

Qala ákimimen bolǵan kezdesýde aýdan turǵyny: «Siz ótken kezdesýde jańa emhana maýsym aıynsha ashylady degensiz. Endi ony qarasha aıyna shegeripsizder. Onyń sebebin aıta alasyz ba», - dedi turǵyn.

Almaty ákimi Erbolat Dosaev onyń sebebi merdiger aqaýly akt boıynsha barlyq eskertýdi joımaǵanyn aıtty.

«Biz salǵan emhanany ózimiz qabyldaýymyz kerek, biraq ázirge qabyldaı almaımyz, sebebi, merdigerdiń áli bitirýi tıis jumystar bar. Ol tapsyrys berýshi retinde bizdiń qabyldaýymyz tıis montajdaý, jabdyqty jetkizý jumystary. Emhanany qural-jabdyqtarsyz iske qosýǵa bolmaıdy. Jalpy aıtqanda, jumystar 95%-ǵa aıaqtaldy», - dedi Erbolat Dosaev.

Ol sondaı-aq merdigerge qaramastan, qurylys jumystaryn aıaqtaý úshin qajetti resýrstar tabylyp, jumyldyrylǵanyn atap ótti.

«Eger men qurylys jumystaryn toqtatar bolsam, onda memlekettik satyp alý erejesi boıynsha jańa konkýrstyq rásim jarııalanyp, emhananyń ashylýy keelsi jylǵa qalar edi. Men sizderden sál shydaı turýdy suraımyn, biz qaladaǵy eń zamanaýı emhanany ashatyn bolamyz. Osylaısha «Kemel» shaǵyn aýdany men oǵan jaqyn mańdaǵy turǵyndar úshin medıtsınalyq qyzmet kórsetý sapasyna qatysty barlyq máseleni sheshemiz», - dedi Almaty ákimi.