Almatyda jaıaý júrginshini kólik qaǵyp, mert qyldy
ALMATY. QazAqparat- Almatyda jaıaý júrginshini kólik qaǵyp, mert qyldy, dep habarlaıdy QazAqparat tilshisi.
Jol apaty áleýmettik jelide tardy. Jaıaý júrginshini kólik Seıfýllın dańǵyly men Aqan seri kósheleriniń qıylysynda basyp ketken.
Kýágerlerdiń aıtýynsha, Seıfýllın boıymen soltústik baǵytta úlken jyldamdyqpen kele jatqan «Hyunday Elantra» kóligi 1987 jyly týǵan er adamdy qaǵyp, mert qyldy. Ol qatty soqqydan 50 metrden astam jerge ushyp ketken.
Almaty qalalyq Polıtsııa departamentiniń málimetinshe, bul fakt sotqa deıingi tergeýdiń biryńǵaı tizilimine engizildi.
«Alǵan soqqy saldarynan 33 jastaǵy er adam oqıǵa ornynda qaza tapty. Búgingi tańda tıisti saraptamalar taǵaıyndaldy», - dedi Almaty qalasy PD tergeý basqarmasynyń bastyǵy Oljas Sháripov.
