Almatyda jaıaý júrginshini kólik qaǵyp ketti
ALMATY. QazAqparat - Almatyda ruqsat etilmegen jerden joldy kesip ótpek bolǵan er adamdy kólik qaǵyp ketti, dep habarlaıdy QazAqparat tilshisi.
Jol-kólik apaty Rysqulov kóshesinde boldy. Jaıaý júrginshi ruqsat etilmegen jerden joldy kesip ótpek bolǵan. Osy tusta shyǵys baǵytqa qaraı kele jatqan «Folksvagen Passat» júrgizýshisi kóligin toqtatyp úlgermeı, ony qaqqan. Shamamen 35 jastaǵy jaıaý júrginshi oqıǵa ornynda kóz jumdy. Qaza tapqan adamnyń aty-jóni ázirge anyqtalǵan joq. Kýágerlerdiń aıtýynsha, ol mas bolǵan. Oqıǵa ornyna polıtsııa qyzmetkerleri kelip, jol apatynyń mán-jaıyn anyqtaýǵa kiristi.
