Almatyda jaıaý júrginshini qaǵyp ketip, onyń ólimine sebep bolǵan júrgizýshi qolǵa tústi
ALMATY. Shildeniń 26-y. QazAqparat /Názıra Eleýhan/ - Almatyda jaıaý júrginshini qaǵyp óltirip, jol-kólik oqıǵasy ornynan qashyp ketken júrgizýshisi ustaldy, dep habarlaıdy QazAqparat.
Keshe túnde 21 jastaǵy "Aınabulaq" shaǵynaýdanynyń turǵyny Boraldaı kóshesimen tómen túsip kele jatqanda, joldy kesip ótpek bolǵan azamatty qaǵyp ketken. Jol-kólik apatynan keıin júrgizýshi oqıǵa ornynan boı tasalaǵan. Oqys oqıǵa saldarynan Shyǵys Qazaqstan oblysynyń 32 jastaǵy turǵyny sol mezette qaza tapqan.
«Jedel izdestirý is-sharalaryn júrgizý barysynda aldymen «Mersedes» kóligi tabylyp, keıinnen júrgizýshisi ustaldy. Ol óz kinásin moıyndap otyr», dedi Almaty qalasynyń ІІD-niń jol polıtsııa basqarmasy bastyǵynyń orynbasary Muhtar Túsipov.
