Almatyda jaıaý júrginshilerge qatysty jol apattary kóbeıgen
ALMATY. QazAqparat - Almatyda jyl basynan beri jaıaý júrginshiler 13 myńnan astam jol erejesin buzǵan, dep habarlaıdy QazAqparat tilshisi.
Bıylǵy 7 aıda qala joldarynda jaıaý júrginshilerge qatysty 961 jol apaty bolǵan, sonyń saldarynan 663 adam zardap shegip, 32 adam qaza tapqan.
«Statıstıka alańdatady. Jol-kólik oqıǵalary men ólim-jitimdi azaıtý úshin árbir azamat óziniń jáne ózgeniń qaýipsizdigi úshin jaýapkershilikti sezinýi, jol qozǵalysy erejelerin qatań saqtaýy jáne jolda mádenıetti bolý kerek. Qalada jaıaý júrginshilerge qatysty arnaıy oryndardan ótý erejelerin, jaıaý adamnyń jol qozǵalysy erejelerin buzýǵa, joldy kesip ótýge, sondaı-aq basqa da óreskel buzýshylyqtardy anyqtaýǵa baǵyttalǵan «Jaıaý júrginshi» jedel-profılaktıkalyq is-sharasy turaqty negizde júrgizilip keledi. Bizdiń basty mindetimiz – jazalaý emes, qaıǵyly jol apatynyń aldyn alý», – dedi Jergilikti polıtsııa qyzmeti basqarmasynyń patrýldik polıtsııa polkiniń komandıri Oral Ahımov.
