Almatyda jaıaý júrginshilerge arnalǵan aspaly joldar jóndelmek
ALMATY. QazAqparat - Almatyda jaıaý júrginshilerge arnalǵan jerústi joldaryn jóndeý qolǵa alynbaq, dep habarlaıdy QazAqparat tilshisi.
Búginde Almatyda 69 jerústi joly bar. Jetisý aýdanynda - 19, Alataý aýdanynda - 18, Medeý aýdanynda - 12, Bostandyq aýdanynda - 7, Áýezov aýdanynda - 5, Túrksib aýdanynda - 4, Naýryzbaı aýdanynda - 3, Almaly aýdanynda -1 kópir bar.
Olardyń 50-i ǵana múmkindigi shekteýli jandarǵa arnalǵan platformalarmen, kótergishtermen jabdyqtalǵan.
«Qala kóshelerindegi buzaqylyq derekteriniń kesirinen 26 jerústi jolynda 56 kótergish isten shyqqan. Basqarma men ákimdiktiń birige otyryp, eskız jobasy men jóndeý jumystarynyń biryńǵaı tujyrymdamasy jasaldy. Aldaǵy kúni metall baspaldaqtyń jaqtaýlaryn biryńǵaı túske boıaý, áınekten jasalǵan jaqtaýlardy metalǵa aýystyrý, júretin jolda asfalt beton jabyndy tóseý, kótergish lıftilerdi jóndeý josparlanǵan»,- dedi ákimdikten arnaıy saýalǵa jaýap retinde.
Bıyl barlyǵy 69 jerústi joly jóndeledi. Onyń ishinde byltyr ǵana salynǵan 7 jaıaý júrgin kópiri merdiger kompanııalar qarjysyna jóndeletin bolady.
Jóndeý jumystary shildede bastalady.
