Almatyda jaıaý júrginshilerdi basyp kete jazdaǵan «Hammer» júrgizýshisi ustaldy
ALMATY. QazAqparat - Almatyda jaıaý júrginshilerdi basyp kete jazdaǵan «Hammer» kóliginiń júrgizýshisi ustaldy. Bul týraly qalalyq ІІD baspasóz qyzmeti habarlady.
Qymbat kólikti tizgindegen júrgizýshiniń áreketin baqylaǵan jergilikti polıtsııa qyzmeti onyń jol erejesin birneshe ret buzǵanyn anyqtady.
Tekserý nátıjesine sáıkes júrgizýshi QR ÁqK 596-babynyń 3-bólimi, 600-babynyń 1-bólimi, 599-babynyń 1-bólimi boıynsha ákimshilik jaýapkershilikke tartyldy.
Polıtseıler oǵan qatysty úsh ákimshilik hattama toltyrdy.
Óndiris ákimshilik ister boıynsha aýdanaralyq mamandandyrylǵan sotqa jiberildi.
