Almatyda jaıaý júrginshiler kóshesiniń boıyna úı salýǵa tyıym salyndy

ALMATY. QazAqparat - Almatyda jaıaý júrginshiler kósheleriniń boıyna úı salýǵa tyıym salyndy. Bul týraly onlaın brıfıng barysynda qalalyq josparlaý jáne ýrbanıstıka basqarmasynyń basshysy Almashan Ahmedjanov málim etti, dep habarlaıdy QazAqparat tilshisi.

Jańa erejege sáıkes, jaıaý júrginshiler kósheleriniń boıynda kópqabatty úıler salýǵa, kvartaldardan evakýatsııalyq shyǵýǵa tyıym salynady.

Mektepke deıingi bilim jáne jalpy bilim uıymdaryn kiriktirilgen nysandardyń jáne 12 qabattan joǵary kópqabatty úılerde, sondaı-aq jer astyna jáne qosalqy salynǵan avtoturaqtardyń ústine ornalastyrýǵa jol berilmeıdi.

Almashan Ahmedjanovtyń aıtýynsha, Almaty qalasynyń aýmaǵynda, qala qurylysyn arnaıy retteý aımaqtarynan tys jerlerde turǵyn jáne turǵyn emes ǵımarattardy jobalaý jáne salý kezinde olar negizgi kóshelerdiń qyzyl syzyqtarynan keminde 6 metr qashyqtyqta, al jergilikti joldardyń keminde 3 metr alshaq ornalasýy tıis.

Osy talaptardyń oryndalýy qurylysty jobalaý kezeńinde baqylanady.

«Jańa erejelerge sáıkes, ázirleýshiler arhıtektýralyq ımıdjge ǵana emes, sonymen qatar avtoturaqtardy, biryńǵaı stıldegi shaǵyn arhıtektýralyq pishinderdi, múmkindigi shekteýli adamdar úshin kedergisiz ótý aımaqtaryn, oryndyqtardy, ýrnalardy, gúl alańdary, balalardyń oıyn alańdaryn jasaýlary tıis. Budan ózge, jaıly jaǵdaılar jasaý úshin aýlalardy jaryqtandyrý, demalys aımaqtary men kommýnaldyq alańdardy qurý jónindegi talaptar mindetteledi»,- dedi basqarma basshysy.