Almatyda «Jaıaý júrginshi» jedel-saýyqtyrý sharasy bastaldy
ALMATY. Naýryzdyń 26-sy. QazAqparat /Erbol Azanbek/ - Almatyda jol polıtsııasy, stýdent jastar men «Jol polıtsııasyna kómek kórsetý» qoǵamdyq birlestigi ókilderiniń qatysýymen «Jaıaý júrginshi» jedel-saýyqtyrý sharasy ótip jatyr,
dep habarlaıdy QazAqparat.
Shara jol- kólik oqıǵalarynyń aldyn-alý, jol erejeleriniń saqtalýyn qadaǵalaý, jaıaý júrginshilerdiń qaýipsizdigin arttyrý maqsatynda ótkizilýde. Qalalyq ІІD-niń Jol polıtsııasy basqarmasy bastyǵynyń orynbasary Muqan Dosymbaevtyń aıtýynsha, shara barysynda jaıaý júrginshilerdiń jol erejesin buzbaýy jol polıtsııasy men sharaǵa qatysatyn jastar, sondaı-aq «Jol polıtsııasyna kómek kórsetý» qozǵalysynyń ókilderimen qatań baqylanatyn bolady.
Muqan Dosymbaevtyń aıtýynsha, jyl basynan beri Almatyda 425 jol-kólik oqıǵasy tirkelgen.Onda 33 adam qaıtys bolyp, 454 adam jaraqat alǵan. Jol-kólik oqıǵalarynyń 275-i jaıaý júrginshilerdiń qatysýymen bolǵan. Olardyń kinásinen 116 oqıǵa oryn alyp, 11 adam qaıtys bolǵan. 109-y jaraqat alǵan. Jaıaý júrginshiler ótkelinde ereje buzý saldarynan 48 jol-kólik oqıǵasy oryn alyp, 3 adam qaıtys bolsa, 47 adam jaraqat alǵan. Sondaı-aq árbir ekinshi oqıǵa jaıaý júrginshilerdiń kesirinen bolǵan.
Qalalyq jol polıtsııasy basqarmasy qala turǵyndarynan jolda júrý erejelerin qatań saqtaýdy eskertedi.
