Almatyda jaıaý júrginshi kólik astyna túsip, mert boldy
ALMATY. QazAqparat - Almatynyń iri dańǵyldarynyń birinde turǵan jolaýshyny avtokólik qaǵyp, mert qyldy, dep habarlaıdy QazAqparat tilshisi.
Rysqulov kóshesiniń boıymen batysqa qaraı, Ahrımenko men Karpatskaıa kósheleriniń qıylysqan tusynda jaıaý júrginshini kólik qaǵyp ketti. Toyota júrgizýshisiniń sózinshe, 40-45 jas shamasyndaǵy azıat kelbetti əıeldiń kólik júretin jolda sendelip júrgeni kúdik týǵyzǵan. Júrgizýshi ony baıqaı salysymen tejegishti basqanyn aıtady. Biraq əlgi əıel kóliktiń kapotyna sekirip, aldyńǵy terezesine qulaǵan. Alǵan jaraqatynan sol jerde kóz jumǵan.
Polıtseıler qaıtys bolǵan adamnyń kim ekenin anyqtap jatyr.
