Almatyda jaıaý patrýl bir aıda 122 qylmystyń betin ashty
ALMATY. QazAqparat- Jaıaý baǵyttaǵy tártip saqshylary, bir aı boıy eki aýsym boıynsha jumys istedi. Qaladaǵy 67 qaýipti ýchaskelerdi tekserdi. Tamyzdyń onynan bastap polıtsııa qyzmetkerleri kósheler men kópqabatty turǵyn úılerdiń aýlalaryn jaıaý aralap shyqty, dep habarlaıdy QazAqparat tilshisi.
«Sońǵy bir aıda jaıaý patrýl polıtsııasy 122 qylmystyń izin sýytpaı ashty. 700-ge jýyq ákimshilik quqyq buzýshylyq anyqtaldy, onyń ishinde qoǵamdyq orynda alkogol ishý - 88, qalanyń abattandyrý erejelerin buzý - 58, usaq buzaqylyq - 25, azamattardyń mazasyn alý - 82, qoǵamdyq oryndarda temeki shegý - 54, tyıym salynǵan jerlerde saýda jasaý - 66, jol júrý erjesin buzǵan jaıaý júrginshilier - 107, kólik quraldaryn qoıý erejelerin buzý – 97. Sonymen qatar, jaıaý patrýl bir myńnan astam adamdy polıtsııa bólimshesine jetkizdi. Olar, qylmys jasaǵany úshin izdeýde júrgender, QR kóshi-qon zańnamasyn buzǵan sheteldik azamattar»,- dedi Almaty polıtsııasynyń resmı ókili Saltanat Ázirbek.
Polıtsııa departamentiniń habarlaýynsha, jaıaý patrýldik jasaqtardyń jumysy arnaıy keste boıynsha júrgiziledi. Bul jaıaý baǵyttaǵy tártip saqshylary halyq tyǵyz qonystanǵan aýdandarda jumys isteıdi. Qoǵamdyq tártipti qadaǵalaıdy. Osyndaı jumystardyń arqasynda qylmys, qaladaǵy qoǵamdyq oryndarda 2,9%, kóshede 7,1% jáne toptyq qylmystardyń 14,6% tómendedi.
