Almatyda «Jaýjúrek myń bala» kórkem fılminiń tanystyrylymy boldy
ALMATY. 3 mamyr. QazAqparat - Qazaq kıno óneri úlken týyndymen tolyqty. Bul týraly keshe Almatyda «Jaýjúrek myń bala» kórkem fılminiń tanystyrylymy kezinde aıtyldy.
«Ár jumystyń ózindik bir qıyndyqtary bolady. Qalaı oınaǵanymdy, kınonyń qandaı dárejede ekenin kózi qaraqty kórermen baǵalar. Barynsha jaqsy oınap shyǵýǵa tyrystym. Alladan tek barlyǵynyń kóńilinen shyqsa eken dep tileımin», - deıdi myń bala jasaǵyn bastaýshy Sartaı rólin somdaǵan Asylhan Tólepov. Bul Asylhannyń eń alǵashqy basty róli bolyp otyr. Buǵan deıin ol Elbasy týraly «Balalyq shaq aspany» fılminde N. Nazarbaevtyń jas kezindegi dosy Qalıdiń rólin somdaǵan bolatyn.
A. Tólepov: «Aldymen kitaphanalarda otyryp, Sartaı batyrdyń ómirbaıanyn jiti zerttep shyqtym. Áıgili batyr babamyzdyń rólin somdaý men úshin úlken qýanysh. Bul ónerdegi úlken jetistik dep oılaımyn», - dedi aǵynan jarylyp. Al fılmniń qoıýshy rejısseri Aqan Sataev óz sózin: «Bul fılmniń rejısseri bolý men úshin úlken qurmet»,- dep bir aýyz sózben túıindedi.
