Almatyda jaýynnyń arty qarǵa ulasyp, ákimdik turǵyndarǵa eskertý jasady
Almaty ákimdiginiń baspasóz qyzmeti habarlaǵandaı, tańǵy saǵat 09:00-de bastalǵan jaýynnyń, arty qarǵa ulasty. Sınoptıkterdiń boljamy boıynsha ol túnde toqtaıdy.
Qalanyń kommýnaldy qyzmetteri kóktaıǵaqtyń aldyn alý maqsatynda qala kóshelerine 152 tonna qum men tuz qospasyn seýip shyqty.
Trotýarlardy, jaıaý júrginshiler aımaqtaryn, qoǵamdyq kólik aıaldamalaryn, ortaq paıdalaný oryndaryn tazalaý boıynsha jumystar uıymdastyryldy.
Qardy tazalaýǵa 495 tehnıka, onyń ishinde 144 qumshashqysh jáne 393 jol jumysshysy jumyldyryldy.
Aýdan ákimdikteri men qala ákimdiginde qar kúreý jumystarynyń óndirisin baqylaý boıynsha táýlik boıy kezekshilik uıymdastyryldy.
«Qardyń túsýine jáne aýa temperatýrasynyń tómendeýine baılanysty keshki jáne túngi kezeńde joldar men trotýarlarda kóktaıǵaq bolýy múmkin. Júrgizýshilerdi apattar qaýpiniń joǵarylaýyna oraı jyldamdyqty tómendetýge, avtomobılder arasyndaǵy qashyqtyqty saqtaýǵa jáne kenet jasalatyn manevrlerden aýlaq bolýǵa shaqyramyz. Jaıaý júrginshilerden trotýarlarda júrgende abaı bolýdy, asa qajettiliksiz úıden shyqpaýdy suraımyz»,- delingen habarlamada.
Qazgıdromettiń boljamy boıynsha 27 qarasha kúni aýa temperatýrasy -12 -14°S deıin tómendeıdi.
