Almatyda jaýyn jaýyp, kóshelerdi sý basty
ALMATY. QazAqparat - Almatyda ótkinshi jaýyn jaýyp, kóshelerdi sý basty, dep habarlaıdy QazAqparat tilshisi.
Sý kóbinese aryq júıesi durys jasalmaǵan jerlerdi alyp ketti.
Qazir kommýnaldyq qyzmet ókilderi sý tolyp qalǵan aryqtardy qoqystardan tazartyp jatyr.
Jaqynda ǵana qalalyq Sáýlet jáne qala qurylysy basqarmasy basshysynyń mindetin atqarýshy Almashan Ahmedjanov qalanyń sý basý sebepterin aıtqan bolatyn.
«Qazirgi tańda aryqtardy qaıta jasaý jumystary júrip jatyr. Qosymsha sý aǵyzatyn kanaldar salsaq degen oı bar.
Buryn Almaty kanaly kishkentaı bolatyn. Jaýyn jaýǵan kezde sý baspaıtyn. Qazir kóp jerde asfalt, ǵımarattar. Sý sińbeıdi. Sondyqtan, kóshelerge aǵady. Aryq jelisin keńeıtip, sýdy ózenderge aǵyzatyn kanaldar jasaýǵa kirisemiz», - dedi Almashan Ahmedjanov.
