Almatyda jaýyn-shashynnyń saldarynan Medeý aýdany turǵyndary sýsyz otyr
ALMATY. QazAqparat - Almatyda bolǵan jaýyn-shashynnyń saldarynan sýmen qamtý toraptarynda sýdyń laılaný deńgeıi artyp, qalanyń Medeý aýdanynyń ońtústik bóligine sý berý ýaqytsha toqtatyldy, dep habarlaıdy QazAqparat tilshisi.
«Almaty Sý» memlekettik kommýnaldyq kásiporny habarlaǵandaı, myna mekenjaıǵa sý berý toqtatyldy:
ıÝbıleınyı shaǵynaýdany, Taý Samal shaǵynaýdany (Kamensk ústirti), «VIP Alem» kottedj qalashyǵy, «Evropolıs» turǵyn-úı kesheni, Kereı Jánibek handar kóshesi, Ońdasynov kóshesi, Ladýshkın kóshesi, Ospanov kóshesi, Qyz Jibek kóshesi, Jánibekov kóshesi, Naımanbaev kóshesi, Dostyq dańǵyly, Chaıkın kóshesi.
«Kóktóbe» shaǵynaýdany, «Samal 1-3» shaǵynaýdany, «Taýly qyrat» shaǵynaýdanyndaǵy Qajymuqan, Baıjanov, Lýganskıı, Dostyq dańǵyly, Nurmaǵambetov, Saharıev kóshelerinde jelidegi sýdyń qysymy tómendedi.
«Taý ózenderindegi sýdyń laıy tazarǵanyna qaraı sýmen qamtý qyzmeti qalpyna keledi. Qolaısyzdyq úshin keshirim suraımyz», - delinedi «Almaty Sý» MKK habarlamasynda.
Eske salsaq, keshe Almatyda nóser jaýyn men daýyldyń saldarynan aǵashtar qulap, qalanyń ortalyq bóliginde jaryq sóngen bolatyn.
